علق مدحت عبد الهادي، لاعب الزمالك السابق، على الفيديو المنتشر والذي ظهر فيه وهو يسب النادي الأهلي، خلال مباراة الفريق أمام سموحة في الدوري المصري.
مدحت عبد الهادي ظهر في مقطع فيديو خلال مباراة الزمالك وسموحة، يوم الثلاثاء الماضي، ضمن منافسات الجولة السادسة من مجموعة حسم اللقب، في بطولة الدوري المصري الممتاز، وهو يسب الأهلي.
وتقدم النادي الأهلي ببلاغ إلى النائب العام ضد مدحت عبد الهادي، بعد الفيديو المنتشر لنجم الزمالك وهو يسب القلعة الحمراء.
طالع| الزمالك يحدد موعد مرانه الأساسي في الجزائر قبل مواجهة اتحاد العاصمة
وقال عبد الهادي، على صفحته عبر "فيس بوك": "طوال عمري لا شتام ولا سباب وعمري ما اتربيت إني أغلط في حد.. أنا زملكاوي لحد النخاع وبشجع بيتي بكل حب".
وتابع: "الفيديو المتداول ده للأسف متاخد ومجتزأ من سياقه الحقيقي، والكلام كان أصلاً بيني وبين واحد من الجماهير اللي كان بيشتم وكنت بقول له ما ينفعش تقول كده، لكن اتقص جزء من الكلام واتنشر بشكل يوحي بمعنى تاني خالص، علشان يعمل فتنة بين الجمهورين".
واختتم: "مافيش عندي أي داعي أو سبب إني أسيء للأهلي أو لأي جمهور منافس، بحترم الأهلي وجمهوره وإدارته وبحترم كل جماهير الأندية المنافسة، لأن دي مش أخلاقنا ولا دي الطريقة اللي المفروض نشجع بيها.. الكرة منافسة جوه الملعب بس، إنما بره الملعب الاحترام هو اللي لازم يجمعنا كلنا".
